الكرص مع طريقة باش ديري كورة العجينة متقونة

الكرص مع طريقة باش ديري كورة العجينة متقونة 

من ام وائل جزاها الله عنا كل خير

مقادير الكرص 

200g خميرة بلدية

7g خميرة الخبز او 3gخميرة الخبز غبرة

128gبيض تتجي تقريبا جوج بيضات ونص 

125g زبدة

150g سنيدة

150g حليب

8g ملح

تقريبا 800g دقيق ممكن اقل ممكن اكتر على حسب نوع الدقيق 

وممكن تزيدي تنسميها الي بغيتي سواءا نافع او جنجلان او الي بغيتي انا كنديرها بطريقتهم اي كنزيد غير فاني

بالنسبة للمعكازات الي مفيهم ما يصوب الخميرة

نفس المقادير ولكن الخميرة اديري 50g ودقيق تقريبا كيلو اقل اواكتر على حسب النوع كدلك

طريقة الكرص

تتخلطي الدقيق ديري الكمية الي قلت لكونقصي شوية تا تخلط لعجينة عاد اتشوفي

زيدي البيض الحليب الخميرة 

وخلطي كلشي عاد السنيدة والملح 

ديري بحساب ان اتزيدي الزبدة وشوفي العجينة خاصها تكون شوية مرخوفة يعنس هنا اتبداي تزيدي الدقيق

خلطي تا تجانس كل العناصر عاد زيدي الزبدة 

ودلكيها مزيااااااااااان

وباش تعرفيها دلكات خاصك تولي تشدي طرف ديال العجينةوتجبديه وميتقطهش لك ويبان لك الخبال ديال صباعك من تحت العجينة بحال هكدا

خليها ترتاح شوية

عاد قسميها كاملي في نفس القياس

دابا الطريقةباش تكوريها وتكون متقونة خصوصا ان العجينةمرخوفة

وهي طريقة ديال المحترفين ولكن راها سااااهلا وبسيطة وملي اتعلمي لها اتولي ديما ديريها

المهم ان العجينة تكون ثدايدك يعني مديريهاش كبيرة بزاف وانما تكون اصغر ونتي وقياسك ههههه

اتجمعي صباعك بحا هاكدا

بحيت ان الوسط ديالهم يكون كبان ليك مكور معرفتش واش الشرح واضح

واتحطي عليها يدك

بحال هاكدا

بحيت ان اصباعك ديما يبقاومجموعين 

وايدك لاصقا على السطح الي تتخدمي فيه

وتبداي تتدوري يدك ونتي ديما يدك تابتا على السطح ومجموعة

بسرعة

الي مفهماتش نشرح لها اكتر

مكرعتش نديرها لكم فيديو وان شاء الله نقلب على الطريقة كيف نحملو وننزلها لكم

وها الكورة مصوبة

دهنيها من الافضل بابيض البيض بوحدوانا درت بيضة كاملا مخلطا ولكن من الاحسن ديري غير البيض

بما انني منسماها غير بفاني ادا اندير غير السنيدة من الفوق ولكن كتري وكوني سخية 

الى بغيتي ديري جنجلان او الحاجا الي بغيتي

وخليها تخمر تا يتضاعف الحجم ديالها 

3 ساعات فما فوق